Kjære vakre vennar og familie -

jolehelsing for 2011 legg eg ut på bloggen, i staden for å sende det i posten. Hausten har nemleg vore meir enn hektisk nok for oss.

Me kjøpte oss hus og flytta frå Oslo til Vestlandet i september. Me har funne oss godt til rette blant familie og vener i området. Med flyttinga har det også fulgt ny jobb for mor og litt tid i barnehage for vesla, me trives båe to. Assistenten flytta med frå aust til vest, ho har hjelpt oss gjennom ein periode med mykje endring, og me er glade for at ho kunne vere ein stabil faktor i kvardagen for oss. No har ho takka for seg, og er attende i storbyen. Me kjem nok til å sakne ho ein heil del.

Jola er straks her, og me er ikkje spesielt godt førebudde. Fyrste delen av desember var me i Oslo, og den siste veka har det vore sjukdom hjå heile familien. Eg trur det vert ei fin jolehøgtid her vest, sjølv om kakemenna er kjøpte, jolehorna er brente og edelgrana litt skakk.

Alle gode ynskjer for jolehøgtida og det nye året, kjære dere!

Hu hei, kor tida går

Er attende i frå travle Oslo. 

Me har vore på kommunikasjonsteam, og fekk mykje utav det oppholdet. Ti dagar vekke frå hus og heim like før jol, betyr også at me er langt bakpå når det gjeld joleførebuing. Altså har me hektiske dagar, då me prøver å redde jolestemninga, jolegåvehandelen, jolekorta og jolejola! De forstår ?!

Bloggar meir ein dag eg har noko fornuftig å kome med... 

Godo joleførebuing, så lenge!

Episode 2

Nytt inngangsparti, så me kan sprade rett inn til bassenget - 

utan gjørmete fotar. 

Praktisk! 

The pool 

Godgjorde seg i 5,5 timar med å fylle vatn, 

deretter to dagar på å varme opp i frå sju grader til 

38. 

38 er heilt klart å foretrekke :0)

Episodar frå ein kvardag

*Dette hende i førre episode:

(den har ikkje vore vist offentleg før no)

 Dugnad: felling av tre på eigendomen

Dugnad: Bygging av "Poolhouse"

Me får vindauge og veggar også.... 

Bassenget kom i frå oven, litt vanskeleg å kome skikkeleg til, så 

det måtte heisast over hustaket før det landa trygt og godt der det var meint. 

*Episode 2: to be continued 

Utan nett - utan tid

Skal byrje oppdatere så snart me har nettilgang heimefrå.. Altså - når telenor si nettpatrulje er ute.
Det kan ta litt tid med andre ord.

Me har flytta inn.
Eg har byrja i den nye jobben.

Det var dagens oppdatering.

Halvvegs på plass

Me har brukt mykje tid på huset vårt den siste veka. Det har stort sett gått i nedvasking, det har vore ein stor jobb. Det var nesten så det hang rotter fast i spindelveva... berre nesten.

I helga byrja me måle stova, me har måla med Sens frå Jotun, med ein lys farge og to ulike bruntonar (som ikkje er så lett å sjå på bileta.) Heldigvis er det godt med hjelp, elles hadde me nok ikkje flytta inn før til jol.

Er litt spent på korleis peisen kjem til å sjå ut med nokre lag til med måling, 

håpar eg vert nøgd. 

I morgon er det nokre strøk til, 

finne ut av kva me gjer med rommet til vesla og 

korleis gangen skal sjå ut. 

Deretter tenkjer me å starte innflytting sakte men sikkert, 

heldigvis har eg tolmodige svigerforeldre. 

Fin sundag til dere! 

Me pakkar ned livet i Oslo

- og set kursen mot vest i morgontidleg. 

Eg og Mr. Sambuar drøymde aldri om å bu i Oslo, 

før me plutseleg var her. 

Me drøymde aldri om å vere lenger i byen enn 

å ha tid nok til å fullføre utdanninga. 

Plutseleg hadde me kjøpt leiligheit, 

fått ei jente og byrja jobbe her. 

Plutseleg var det her me levde livet,

seks år. 

Me har opplevd mykje her, 

både lått og tårer.  

No er det over. 

Det kjennes vemodig. 

Eit nytt kapittel skal skrivast i våre liv-

ein annan stad i landet.

Siste dag

Radiohuset. Bilete lånt frå nrk.no

I morgon er min siste dag på jobb i Norsk Rikskringkasting. 

Det har vore nokre spennande år, 

eg har lært mykje og eg synes eg er heldig som fekk jobbe 

i hjarta av norsk media. 

Litt vemodig at det heile er over, 

eg har vandra inn og ut av radiohuset sidan 2006. 

No er eg klar for ny eventyr på 

Vestlandet. 

Skal berre feire litt med gode kollegaer fyrst. 

I eit hus med hage..

skal me bu - 

og leve lukkeleg 

alle våre dagar ?! 

Flyttar straks inn i eige hus, 

jøss kor vaksen ein kan verte. 

Essensen

Fin utsikt - snart kan eg nyte det heile tida..

Me skal flytte til Vestlandet igjen,

rart og litt uvant.

Plutseleg vart tida i Oslo mykje

kortare enn planlagt.

Herremannen held utkikk

Sjølv om ting går litt fort i svingane

så gler me oss veldig.
Familie, kjekk jobb og

gode dagar for bornet vårt er

essensen i dette flytteprosjektet.

No treng me berre ein stad å bu,

så kan me slappe av med flotte fjellturar som

den ovanfor!

Visning

Me seljer vår treroms - 

og er klare for å flytte ut av hovudstaden. 

Har rydda og vaska i dagesvis  - 

  

  ca ti minuttar etter visning ... 

Sommar i august

Vestlandssommar

Snuppelura elska søskenbarna sine...

I dag har ho leika med ein av heltane. 

Trampoline er så moro! 

Kosa med ein veldig fin Lurvepus. 

Rart når han sleika på handa.

Lukkeleg familie i Hardanger i dag !

Ferie

Ferien er i gang.
For min del starta den med eit spennande jobbtilbod, og desse flotte blomane som kom levert på døra. Tusen takk, London. Har så langt også fått tid til massasje på Spa og ei kjekk festivaloppleving med gode vener.
Nyter livet, med andre ord.
God ferie til dere der ute også!

Her søv me ikkje

- altså bloggar me ikkje heller.

Kvardagsluksus

Eg fekk denne leveransen på døra mi i dag.

Kva som var i pakken?

        Ingrediensar og oppskriftar for tre middagar til dei vaksne

i huset.

Meny denne veka:

Lun nudelsalat med tandoorikylling & syrlig soyadressing

Stekt ris med peanøttsmør

Marinert og grillet steinbitspyd med kald/lun pastasalat

Det er rein luksus i ein hektisk kvardag.

Takk o' lov for internettet!

Sidan eg ikkje skriv i avisa

Den siste tida har det vore mykje i media om menneske som har fått livet øydelagt i helsevesenet. Det er mange vonde historiar. Her er vår.

Fullkomen lukke.

Eg har venta på deg i 41 veker og 2 dagar,

i følge ultralydterminen.

Er du gut eller jente?

Liknar du oss?

Korleis vil det verte å vere mamma?

Endeleg skulle me få sjå deg.

Fødsel i to døgn.

Eg vart ikkje høyrt.
Legen kom altfor seint.

Du -

Skreik
ikkje.

Pusta
ikkje.

Kjære Ullevål sjukehus:

De reiv ned alle håp og draumar,

tok ikkje omsyn til oss

som stod knuste tilbake.

Den vesle jenta mi må kjempe for alt i livet,
på grunn av dere.

Eg kjem aldri til å tilgje det.

17. mai -

er vi så glad i ...

For fyrste gong kunne me feire 17. mai med vesla vår,

så i år gjorde me det skikkeleg.

Bunad, rømmegraut og flagg - 

hipp, hipp !! 

Loppeskatt

I helga fann eg eit nydeleg koppesett til vesla mi,

sidan eg har nådd eigne koppesett- grenser,

får eg gå over til å kjøpe til ho i staden.

Londra - Ingelterra

Opphaldet i London var fantastisk, så fantastisk at eg må omtale det på italiensk i tittelen. Perfetto.
Det er det beste komplimentet eg kan gje.

Eg var så heldig at eg kunne besøke ei av mine beste venninner, og fekk med ein heil del morsomme fakta, guiding og songar på kjøpet. (Nemn ein song og ho er i gang, denne gongen dreiv ho Melodi Grand Prix reklame i London, så eg trur det kjem mange stemmer til "Haba, Haba" frå England i år.) :0)

                                                 

Mest stas av alt var vel kanskje å sitje i Hyde Park i lag med 300.000 andre menneske og feire bryllaupet til Prins William og Kate Middelton. Det var stor stemning -  tett med flagg, glade royalistar,  hattar og fjør. Og det var kjærleik i lufta, det kunne ein kjenne.

   To veldig glade champagnejenter. Legg merke til hårpryden !!

Etter ein lang dag, og litt champagne var det to venninner som var einige om ein ting;
me er veldig søte.

*** Søtaste G i London,  Thank you! ***

Finaste helga

Nokre helger er betre enn andre.
Dette har definitivt vore ei av dei betre på lang tid.

Våren er balkongtid  - i år som i fjor...

Me har vore på loppemarknad, eg viser skattane i anna innlegg snart... På balkongen har me nytt fantastisk fint vêr, og lytta til fuglesong. Steikt vafler ute, drukke kaffe og sjølvsagt drøymt om huset vårt. "Eg vil ha stort kjøkken!" "Masse vindauge!" roper eg entusiastisk. Mens han som sit på andre sida av bordet, tenkjer meir på romløysingar og antal kvaderat. Eg lurer på om me kjem i havn ein vakker dag, og om me får eit resultat som alle tre er nøgde med.

Bryllaupsfestivitas

bilete lånt frå dailymail.co.uk

Klar for prinsar og prinsesser i finstas, 

London i bryllaupsrus!

Eg er lova champagnefrukost 

og diadem på dagen.

London, Baby!!

LONDON!

Påskeslutt

Påsken er over for denne gong, me har hatt nokre fantastisk fine dagar på fjellet i lag med familien.

Det var lite snø, men det gjorde ingenting.
Alle fekk i allefall gjere som dei ynskja.
Nokre lata seg og sov heile dagane,

andre sov ikkje (les:  veslemor).

Elles kort oppsummert påske:  

 lesing, speling, litt aking, turar, soling og grilling.

Espumifiseringa må ikkje gløymast.

Viktig.

Vellukka med andre ord.

Kva gjorde mine lesarar i påsken?

Visionboard

Me var på besøk hjå vennar i går, der fekk eg sjå eit visionboard.

No er eg inspirert, og har lyst å lage eit sjølv over ulike hus eg liker.

Dette er eit av dei, her bur familien Cullen i filmen Twilight.

Elskar dei store vindaugene,

og at det består av både tre og mur.

** Draume, Draume **

Dissing

Dissing i fjor - det er visst like skøy i år!

Årets fyrste dissing er unnagjort,

det var endå kjekkare i år enn det var i fjor.

Makan til jubel

og sprelling,

eg klarte nesten ikkje halde fast trulta.

Snart påske

Kjære mormor -

Snart er det påskeferie og me skal på Seljestad,

i år er ikkje du der.

Det beste med påsken før var hyggen på Gamlestøl.

Klumpete potetstappa og pølser smakte alltid ekstra godt på hytta.

Lese i hytteboka og gamle Romantikk.

Strikka ein halv sokk med restegarn, eg vart sjeldan ferdig.

Påskerenn og latter.

Drikka verdas beste vatn frå elva og snika snop i skapet.

Yatzy og kort om kveldane.

Kryssord.

Takk for alle dei fine minnene.

Eg tenkjer ofte på deg,

det vert ein rar påske.  

  

Vårteikn

Om våren vert alt mykje meir fargerikt.

Også fotavtrykka til vesla.

Kveldskos

Kvar kveld har me ei kosestund, då les me bøker. Vesla er like glad i desse seansane som oss, det er stas å få lese gjennom gode gamle klassikarar med eit lydhøyrt publikum som ho.

I dag var det Den vesle tigeren og bjørnen me kosa oss med.

Eg simpelthen elskar desse historiane, og lev meg inn med den med mi beste fortellarstemme. Historiane er så fine, og eg ler meg skakk av alle finurlighetane. I kveldens historie laga tigeren og bjørnen sin eigen telefon:

"Hallo tante Gås, det er din vesle tiger som ringjer.
Høyrer du meg, tante Gås?
Ja, det er eg, tigeren med den vesle tigerhalen bak,
nevøen din".

Ekstra plusspoeng for nydeleg, nydeleg nynorsk bruk!

Spytteprat

"Kom igjen, spytt", etterfulgt av jubel når ynskjet vart innfridd.
Pappa pussa vesla sine tenner.

Eg stod og såg på desse to viktigaste personane i livet mitt.
Korleis klarer han å skape så mykje innlevelse i tannpussing?
Eg er litt usikker på akkurat det.

Men det eg veit er at ein slik rar ting har gjeve meg lukkekjensla i dag.

Dicke Dick Dickens

www.oslonye.no

Kongen på haugen og den aller farlegaste mannen i Chicago ! 

Såg Dicke og Effie på teater i går, og det var aldeles fantastisk! Til alle som er litt interessert i teater - og radiohøyrespel: de må gå å sjå det. Fantastisk samspel mellom dukker og levande menneske, heile stykket var løyst på ein humoristisk og god måte. Eg lo heile vegen heimatt.

LykkeLi

                                                                                        Bilete lånt i frå www.glowlight.com.au


Toppen av lukke på slutten av ein laaaaang måndag?

Fitness fusion - Glowstick special på Elixia, akkopagnert av Lykke Li "I follow rivers".

Alle stod og dansa med lysande armeband, slitne og smilande.

Fiiiiiint.

Minner frå Usa- turen

Eit innblikk i turen vår...

Vendepunktet

Det er andre gongen me har vore i Usa, tredje gongen me har truffe folka frå teamet på FHC.
Det har vore fantastisk. Det har vore vendepunktet i familien vår. Etter me traff Matthew, Carol, Greg, Andrea, Dr.Bernardo og Donna så har alt endra seg - eller eigentleg så endra det seg litt allereie då me høyrde om dei.

Då vesla var seks månedar gamal såg det som svartast ut for ho, og dermed også oss. Hennar framtidsutsikter var dårlege, og det var vanskeleg å svelgje når ein lege sa rett ut at ho kunne gløymast, få eit nytt barn i staden. Når du sit med det vakraste velse jentebarnet i armane, og du kjenner kjærleik, men også redsel, frykt og engstelse - korleis kan ein nokon gong gje opp?

Eg hugsar heile den sommaren som grå, kald og våt - det regna og regna. Eg prøvde desperat å få i ho mat, og taktikken var å bruke vippestol, synge og alt anna som kunne få avleda merksemda hennar slik at det sklei inn noko graut i den medisinerte kroppen. Eg amma og ho beit. Eg trur ikkje me såg spesielt lukkelege ut, heller fullstendig utslitne og redde. Svigermor mi nemde så vidt Doman og Liveåtte, så var det i gang. Me googla og googla, og me byrja lese alt me kom over - og mens me gjekk trilleturar for å lokke fram svevnen hjå frøkena, byrja me å draume og håpe.

Det er eg så uendeleg glad for i dag. Frøken Dings er ikkje berre på veg fram og opp, men resten av familien har det også betre. Det er godt å kunne føle at ein har kontroll og styring sjølv.

Ps. 2 år og 4 mnd gamal har ho byrja å lese.
Kvifor skulle me gje opp?

JET LAG

Eg skriv det med store bokstavar, Frøken Dings har JET LAG. Me kom heimatt på sundag, men ho er framleis i villreie på tida. Ho har lagt vaken kvar natt, og i går sovna ho overalt midt på dagen. Etter fyrst å ha sovna frå leik på golvet, deretter i badekaret prøvde eg å leggje ho i senga  - nei, takk mamma!

Me er enno ikkje ferdig utpakka, og eg har mykje å fortelje om dagane i Usa. Men akkurat no er det litt andre ting som må prioriterast. Ein stykk skrikarunge, f.eks.

A family with hope

1. dag på instituttet er over, det har vore ei intens, men flott oppleving denne gongen også. Me vert hjarteleg mottekne, folka som jobbar der er så flotte og positive. Det er alltid fokus på det ein får til, og det som er positivt, ikkje på kva som ikkje ser bra ut.

Testane i dag såg bra ut på mange områder, det er kjekt når det går framover - og me fekk mykje skryt for innsatsen me har gjort. No ligg me slagne på sofaen alle saman, me har 20 minuttar med DVD som skal sjåast til i morgon. Og nye 10 timar på instituttet framføre oss - best å vere utkvilte. 

Det hjelper på med ostekake frå Cheesecake factory for å få motivasjonen på topp :0) 

Me er glade og nøgde - 

og let for all del ikkje vesla suse rundt aleine med Frøken Fryd (assistenten) - 

dei kan finne på å kome attende med godteri og ein kvalp,

som de ser.....