Friday feeling....

Plutseleg helg igjen.

Helga starta med husrydding og vask i går, litt gjenstår framleis, men det er ikkje like ille som ein vanleg fredag i alle fall. Tidleg ferdig på jobb i dag, og det vert fint. Har planar om å handle inn nokre fine tulipanar, og litt ekstra god kvelds. Også te - litervis med te, skal konsumerast. Så skal me benke oss framføre TVen utover i dei mørke timane.

I dag skal nemleg nokre av tøffingane frå "Ingen grenser" på Skavlan. Og det har eg tenkt å sjå! Eg har venta på serien lenge, og må seie det er imponerande å sjå kor steintøffe desse folka er. Ekstra moro å sjå den blide bibliotekaren som utdanna seg samstundes som meg, han er ein riktig fin fyr. Å sjå muligheiter i staden for begrensningar er noko me prøver på sjølve også, då varmar det hjarta å sjå "Ingen grenser".

Ynskjer alle søtingane der ute ei riktig god helg, håpa de kjenner på fredagslukka, de også.
To arbeidsdagar att før det er påskeferie.. Åh, herlege tid!

Proteinbomber

Mykje har skjedd på få veker. Me er i gang med endring av kosthold, og det er både spennande og utfordrande. Det er i allefall ei stor endring å skulle kutte ut karbohydratar. Kjenner at det går greit så langt, me må nok vere kreative framover. Me lever langs den sunne middelvegen kalla proteinar no, der flyt det over med egg, oljer og myrra ( eller basilkum ).

Tek med takk i mot oppskrifter og gode tips, som ikkje inneheld poteter, mjøl, sukker og alt anna som kan reknast som "fy-mat" frå no av.

Sundagsoppdatering

Oi oi oi.. Her fyker vekene forbi, og eg ser det er vanskeleg å få tid til å blogge. Har vore nok ei hektisk veke, med kveldsjobbing, papirarbeid og førebuing til ein samtale me frykta på sjukehuset.

Den frykta samtalen gjorde at me var i full research når det gjaldt nervegift i lange tider. Fantastisk middel når det gjeld 30 år gamle modellar med stive smil i Hollywood, mykje mindre fantastisk når det skal brukast  på små uskuldege jenter med stiv kropp. For å oppklare med ein gong, me hadde lukka med oss og hadde ingenting å vere bekymra for på sjukehusfronten denne gongen. Kryss i taket! Researchen er på ingen måte fånyttes, og den har me tenkt å arkivere og bruke som argument ein anna gong dei angrip oss.

For å vise triumf og suksess slenger eg med eit bilete av velse vakre jenta vår i full akebrettvigør.

Bilete kan daterast til i dag, her har det snøa og vore fint ver om kvarandre. Slett ikkje dårlege forhold for utetid, med andre ord.

Sukk..

Etter ein lang dag, som inkluderer kveldsjobbing, tek eg meg ein pust i bakken og drøymer meg vekk.

I dag tok tankane meg med til Markusplassen i Venezia.

Tidleg morgon og nesten ikkje turistar..

Kvar reiser dere på ferie i tankane?

Evt. i røynda?

* I love Arsenal *

Natta folkens!

Denne vesle snella var stuptrøytt og ligg godt under dyna si no. 

Ho søv nok ekstra godt med den nye pysjen ho fekk av faren då han kom i frå England sist helg. 

Om ho veks opp til å verte like glad i Arsenal (all fotball, eigentleg) som faren er, gjenstår å sjå, men det skal ikkje stå på innsatsen hans i alle fall.

Teksten på pysjen lyd som følgjande: 

"I love Arsenal"

Og eg lurer litt på kva tid ho skal få medlemsskap i Gunners...

Fredagskjensle

God fredagsmorgon, alle!
Har vore litt fråverande ei stund, sjuk unge er krevjande nok i seg sjølv, om ein ikkje skal setje seg ned og blogge i tillegg. No er det friskare taktar og me er nøgde alle mann. Eg sat med pcen i gårkveld for å skrive eit innlegg og leggje ut bilete. Diverre låste alt seg, så det vart med tanken. Me hadde tidenes danseøkt her heime, og det kunne vore morsomt å dele. Skal sjå om eg får til å leggje ut bileta i helga.

Helga vår går med til papirarbeide, husvask, veslemor og kanskje nokre turar ut dersom veret er fint. Kva gjer mine lesarar i helga?

NB! Minner om Pay-it-forward konkurransen. Premie, premie, premie.. Treng eg sei meir?

God fredag så lenge!

Craig Thompson: Blankets

Åh, denne fine, fine teikna romanen er eg akkurat ferdig med. For tida utvekslar eg teikneseriar / teikna romanar med ein kollega, det er så stas å finne noko nytt og spennande som eg ikkje kan mykje om. Det er ein jungel der ute, så det er moro å få litt hjelp og idear. Det geniale med teikneseriar er at det går fort å lese,  heilt grei lektyre på tbanen.

I Blankets forteljer Craig Thompson om sin eigen barndom og oppvekst, om det å tru og ikkje tru. Det er noko sårt over forteljinga om den unge guten som ikkje kan finne seg til rette i familien og menigheita. Me følgjer endringa i livet hans då han treff nokon som forstår. I tillegg til den fine historia, byr boka på fantastisk flotte teikningar, stemninga er heilt spesiell.

Eg brukte ekstra lang tid på kvar side, det burde kanskje de også vurdere?

Tusen takk

Me er heimattkomne etter ei hektisk veke i vårt flate naboland. Etter høgintensive seminardagar og reise, kjenner eg meg ganske tom, men glad. Det har vore eit gjevande kurs, me boblar over av inspirasjon og tankar. No skal det roast ned i nokre veker før me bestemmer oss for vegen vidare.

Tusen tusen takk til alle som har kryssa tær i Kongsberg, fingrar på Voss, sendt gode tankar frå Møre og Romsdal samt støtte rundt om i Hordaland! Det varmar, og eg trur jammen meg det hjalp.

Med ei slik støtte skal de sjå me klarer oss heilt til vegs ende, kor enn det måtte vere!

Pay it-forward

Eg har fått ei utfordring frå den kreative bloggaren Ane. Eg tek det sjølvsagt på strak arm.

Dersom eg tok imot utfordringa, måtte eg skrive om Pay it - forward på bloggen min og sende noko lite til tre av dei som kommenterer innan 365 dagar. Sidan det ikkje er så mange av mine lesarar som har blogg, så gjer eg det på same måte som sist. Legg att ein kommentar, så trekk eg tre vinnarar om 14 dagar.. Du har god tid, eg har god tid. What`s not to like?

Danmark

Me reiser til Danmark i morgon.

Sommarfuglar i magen og ei lita høns i baksetet, dette vert spennande.

Send oss gode tankar.

Overstått fastelaven

Så flott fastelavensris kan ein faktisk få når ein er mamma til verdas beste vesle snupp. Det var ein vellukka Fastelavens og morsdagsfeiring i går, og mamma i huset fekk ei flott gåve :0)

I tillegg var det super komlemiddag og slett ikkje så galne bollar med krem etterpå!

Helgestemning

Det er helg! Og det byrja nærme seg vår. Litt tidleg å feire kanskje, men ingenting triggar vårkjensla som tulipanar og sola som skin inn stoveglasa. Eg har hatt heimedag / avtaledag, så eg har fått masse tid med prinsessa mi. No gler eg meg over at det er fleire dagar utan program, me skal kose oss masse i helga.
Planen er å helse på ein hest, viss me er heldige. Fleire planar: satsa på fastelavensbollar, då veslemor har laga fastelavensris i barnehagen. Det er einsbetydande med full fastelavensfeiring! Håpa å få vore litt ute i sola og gleda oss over det deilige veret.

Kva gjer lesarane mine i helga?

Oss tre mot røkla

Eg er i faresonen for å høyres patetisk ut. 

Me har eit håp og ei tru. Det er sterkt, og det går langt fram i tid. Den vissheita eg kjenner, mistar eg av og til av syne. Det er mange som bidreg til dette, spesielt innanfor helsevesenet. Måten ein vert møtt på, gjer at eg vel mine ord med omhu. Dei vil ikkje høyre kva eg tenkjer uansett, dei kan ikkje sjå det eg ser. Dei byggjer meg ned, eg byggjer meg oppatt til neste møte.
Ein dag vert eg knallsterk!

Me dreg til Danmark snart. Vonar fleire vil sjå det same som oss der..

Eg er uansett sikker i mi sak

Tre steg fram, to attende..

Det byrjar kjennes noko typisk.
Kvardagen har byrja å betre seg, maten går ned i magen i staden for ut på golvet, så vesla veks og strekk seg i lengde og breidde. Søvn er litt varierande, men går stort sett greit. Eg slappar meir av og gledar meg over den vakre, vesle jenta mi. Då skjer det. Sjølvsagt.

Det hender eg lurer på om me aldri skal kome ovanpå. Tre steg fram, to attende.

The story of her life.

PC-kræsj

I dag har eg verkeleg mykje spennande å dele med dykk..

PCen vår har sagt takk og farvel, så det vert litt dårleg med blogging heimefrå for tida. Me fekk stort sett redda ut det me trengte, heldigvis har alle bileta vore sikra på nett frå før av. No lever pcen sitt eige liv, og det ser ut til at den ikkje kan gjenopplivast.

I helga har me hatt besøk av farfar og onkel, så vesle trultemor har fått masse kos og merksemd. Ekstra stasleg at onkel lærde seg hoppeteknikken. Me fekk oss gammal - ny ovn, og var kjempeglade for at me endeleg får steike mat utan å svi det. Også er vasken vår reparert, godt å ha ein svigerfar som handy. Det er flott gjort å kome køyrande heilt frå Vestlandet for å hjelpe oss, me veit me er heldige.. 

Sånn går no dagane...